افغانستان: طالبان کا نیٹو آئل ٹینکروں پر حملہ، ایک اہلکار ہلاک
کابل: افغانستان کے دارالحکومت کابل میں حکام کا کہنا ہے کہ بدھ کو پاکستانی سرحد کے قریب نیٹو کے لیے تیل لے جانے والے آئل ٹینکروں پر خودکش حملے اور اس کے بعد فائرنگ کے تبادلے میں ایک افغان پولیس اہلکار ہلاک اور تین زخمی ہوگئے۔
عالمی خبررساں ادارے اے ایف پی کا کہنا ہے کہ سیکیورٹی فورسز اور حملہ آوروں کے درمیان فائرنگ کا تبادلہ تقریباً تین گھنٹوں تک جاری رہا۔
افغان صوبے ننگرھار میں ایک ترجمان احمد ضیاء عبدالزئی کا کہنا ہے کہ یہ واقعہ بدھ کی صبح پیش آیا، جب نیٹو کے آئل ٹینکر طورخم سرحد پار کررہے تھے۔
واضح رہے کہ پاکستانی سرحد پر طورخم کے راستے پڑوسی ملک افغانستان میں نیٹو افواج کو سامانِ کی نقل و حمل کی جاتی ہے۔
ترجمان نے کہا کہ پہلے تین خودکش حملہ آوروں نے خود کو دھماکے سے اڑا دیا جس سے متعدد آئل ٹینکروں میں آگ لگ گئی اور باقی حملہ آوروں نے ایک کمپاؤنڈ پر قبضہ کرلیا۔
انہوں نے اس بات کی تصدیق کی کہ فائرنگ کے تبادلہ میں حملہ آور ہلاک ہوگئے۔
دوسری جانب افغان طالبان کے ترجمان نے ذبیح اللہ مجاہد کہا کہنا ہے کہ اس واقعے کے پیچھے طالبان باغیوں کا ہاتھ ہے۔
لائیو ٹی وی