نواز شریف کی وزیر داخلہ محسن نقوی سے ملاقات، دہشتگردوں سے نمٹنے کے عزم کا اعادہ
پاکستان مسلم لیگ (ن) کے صدر محمد نواز شریف اور وزیر اعلیٰ پنجاب مریم نواز سے وفاقی وزیر داخلہ محسن نقوی کی ملاقات ہوئی ہے، جس میں خارجی دہشت گردوں سے مل کر نمٹنے کے عزم کا اعادہ کیا گیا ہے۔
ڈان نیوز کے مطابق ملاقات میں باہمی دلچسپی کے امور پر تبادلہ خیال کیا گیا ہے، باہمی ملاقات میں پنجاب میں امن وامان کی عمومی صورتحال پر گفتگو کی گئی ہے۔
اسی طرح کچے کے علاقے اور صوبائی سرحدی چوکیوں کی صورتحال پر تبادلہ خیال کیا گیا ہے۔
اعلامیے کے مطابق نواز شریف اور وزیر اعلیٰ پنجاب مریم نواز کی محسن نقوی سے ملاقات میں امن و امان کی صورتحال میں بہتری کے لیے مربوط کاوشوں پر اتفاق کیا گیا ہے۔
لائیو ٹی وی