بانی پی ٹی آئی کی ایم ڈبلیو ایم اور جماعت اسلامی کے ساتھ اتحاد کی منظوری
بانی پاکستان تحریک انصاف(پی ٹی آئی) نے مرکز اور پنجاب میں مجلس وحدت مسلمین اور صوبہ خیبرپختونخوا میں جماعت اسلامی سے اتحاد کی منظوری دے دی۔
اسلام آباد میں پریس کانفرنس کے دوران ترجمان رؤف حسن نے حکومت سازی کے حوالے سے بانی پی ٹی آئی کی جانب سے کیے گئے فیصلوں سے آگاہ کیا۔
انہوں نے کہا کہ بانی پی ٹی آئی کا پیغام ہے کہ جس نے مینڈیٹ حاصل کیا اسے حکومت بنانے دی جائے۔
ان کا کہنا تھا کہ عمران خان نے دو جماعتوں کے ساتھ اتحاد کی منظوری دی ہے اور ہم مرکز اور وفاق میں مجلس وحدت مسلمین کے ساتھ اتحاد کریں گے اور خیبر پختونخوا میں مخصوص نشستوں کے لیے جماعت اسلامی کے ساتھ اتحاد کریں گے۔
ایک سوال کے جواب میں انہوں نے کہا کہ بشریٰ بی بی نے پٹیشن دائر کر کے کہا ہے کہ میں اڈیالہ جیل جانا چاہتی ہوں اور وہ پٹیشن عدالت کے پاس ہے تو اب عدالت فیصلہ کرے گی۔
ان کا کہنا تھا کہ ہم نے صدر مملکت کے ساتھ ملاقات میں پاکستان کی بات کی ہے، پاکستان کے مستقبل کی بات کی ہے۔
اس سے قبل پی ٹی آئی نے وزیراعلی خیبرپختونخوا کےلیے علی امین گنڈاپور کو نامزد کیا تھا۔
لائیو ٹی وی