کراچی: پاکستان کے سب سے بڑے شہر کراچی کے علاقے سائٹ ایریا میں پیر کو ایک مدرسے کے قریب ہوئے ایک دھماکہ کم سے کم تین بچے ہلاک اور متعدد زخمی ہوگئے۔

یہ دھماکہ سائٹ ایریا میں واقع فنٹیئر کالونی میں ایک مدرسے کے سامنے ہوا۔

دھماکے کے وقت مدرسے میں بچے قرآن شریف کی تعلیم حاصل کررہے تھے۔

دھماکہ کے بعد امدادی ٹیمیں موقع پر روانہ کردی گئی ہیں۔

دھماکے کی آواز دور دور تک سنی گئی، جبکہ زخمی ہونے والوں کو سول اور عباسی شہید ہسپتال منتقل کردیا گیا۔

ایک آفیشل نے اپنا نام ظاہر نہ کرنے کی شرط پر بتایا کہ دھماکہ ایک دستی بم سے کیا گیا۔

ہسپتال انتظامیہ کے مطابق زخمی بچوں کی عمریں آٹھ سے بارہ سال کے درمیان ہیں۔