نیوزی لینڈ کیخلاف دوسرے ون ڈے میں سلو اوور ریٹ پر قومی ٹیم پر جرمانہ
نیوزی لینڈ کے خلاف دوسرے ون ڈے انٹرنیشنل میں سلو اوور ریٹ پر پاکستان کرکٹ ٹیم پر جرمانہ عائد کردیا گیا۔
ڈان نیوز کے مطابق نیوزی لینڈ کے شہر ہیملٹن میں کھیلے گئے میچ میں پاکستان کی جانب سے مقررہ وقت کے دوران ایک اوور کم کرایا گیا۔
جس پر پاکستان ٹیم پر میچ فیس کا 5 فیصد جرمانہ عائد کیا گیا ہے، قومی ٹیم کے کپتان محمد رضوان نے غلطی کا اعتراف کرتے ہوئے سزا قبول کر لی۔
یاد رہے کہ نیوزی لینڈ کے خلاف پہلے ون ڈے میں بھی دیر سے اوور مکمل کرنے پر پاکستان ٹیم پر جرمانہ عائد کیا گیا تھا۔
دوسرے ایک روزہ میچ میں نیوزی لینڈ نے پاکستان کو 84 رنز سے ہرا کر سیریز میں 0-2 کی فیصلہ کن برتری حاصل کرلی۔
دوسرے ون ڈے میں نیوزی لینڈ کے خلاف 293 رنز کے تعاقب میں قومی بیٹنگ لائن بری طرح فلاپ ہوئی اور آدھی ٹیم صرف 32 رنز پر پویلین واپس لوٹ گئی تھی، عبداللہ شفیق اور بابراعظم ایک، ایک، امام الحق 3، کپتان محمد رضوان 5 اور سلمان آغاز 9 رنز بنا کر آؤٹ ہوئے۔
اس سے قبل، کھیلے گئے پہلے ون ڈے انٹرنیشنل میں نیوزی لینڈ نے پاکستان کو 73 رنز سے شکست دی تھی جس پر بیٹنگ کوچ محمد یوسف نے ناکامی کا اعتراف کرنے کے بجائے سارا ملبہ باؤلرز پر ڈال دیا تھا۔
لائیو ٹی وی