شمالی غزہ میں 3 اسرائیلی فوجی ہلاک
اسرائیل نے غزہ میں جھڑپوں کے دوران اپنے 3 فوجیوں کی ہلاکت کی تصدیق کردی۔
غیر ملکی خبر رساں ادارے رائٹرز کی رپورٹ کے مطابق اسرائیلی فوج کا کہنا ہے کہ پٹی میں 3 فوجی مارے گئے۔
اسرائیلی فوج نے بتایا کہ یہ تینوں فوجی شمالی غزہ کی پٹی میں لڑائی کے دوران مارے گئے۔
ادھر مقبوضہ مغربی کنارے میں اسرائیلی فضائی حملے میں مزید 2فلسطینی شہید ہو گئے۔
اے ایف پی کی رپورٹ کے مطابق فلسطینی وزارت صحت نے ایک بیان میں کہا 26 سال اور 32 سال کی عمر کے دو افراد شمالی مغربی کنارے میں اسرائیلی گولہ باری سے مارے گئے۔
قبل ازیں اے ایف پی نے رپورٹ کاہ یمن کے حوثیوں نے اسرائیل پر ڈرون حملے کی ذمہ داری قبول کرلی جب کہ حملے میں کوئی جانی نقصان نہیں ہوا۔
حوثی فوج کے ترجمان نے ایک بیان میں کہا کہ ڈرون یونٹ نے یاؤنے میں اسرائیلی دشمن کے ایک حساس ہدف کو نشانہ بنایا۔
واضح رہے کہ 7 اکتوبر 2023 کے بعد غزہ میں جاری اسرائیلی جارحیت کے نتیجے میں تقریباً 44 ہزار 580 سے زائد فلسطینی شہید جبکہ ایک لاکھ سے زائد افرد زخمی ہو چکے ہیں۔
لائیو ٹی وی