حمل سے متعلق گمراہ کن تصویر شیئر کرنے پر صحیفہ جبار کو تنقید کا سامنا
ماڈل و اداکارہ صحیفہ جبار کو ’بے بی بمپ‘ کے ہمراہ حمل سے متعلق گمراہ کن تصویر انسٹاگرام پر شیئر کرنے پر تنقید کا سامنا ہے۔
صحیفہ جبار نے ایک روز قبل انسٹاگرام پر ’بے بی بمپ‘ کے ہمراہ تصویر شیئر کی تھی، جس پر شوبز شخصیات سمیت مداحوں نے ان کے ہاں متوقع بچے کی پیدائش پر مبارک باد پیش کی تھی۔
اداکارہ نے ’بے بی بمپ‘ کے ساتھ شیئر کی گئی تصویر میں کوئی کیپشن نہیں لکھا تھا، تاہم ان کے ’بے بی بمپ‘ کو دیکھتے ہوئے ہر کسی نے سمجھا کہ اداکارہ حمل سے ہیں۔
اداکارہ کو ’بے بی بمپ‘ میں دیکھ کر شوبز شخصیات سمیت ان کے مداحوں نے خوشی کا اظہار کرتے ہوئے ان کے ہاں متوقع بچے کی پیدائش پر انہیں مبارک باد پیش کی تھی۔
بعد ازاں اداکارہ نے انسٹاگرام اسٹوریز میں واضح کیا کہ انہوں نے جو تصویر شیئر کی، وہ حقیقی نہیں تھی بلکہ وہ شوٹنگ کے دوران کھچوائی گئی تصویر تھی۔
اداکارہ نے وضاحتی ویڈیو بھی جاری کی، جس میں انہوں نے بتایا کہ ان کی جانب سے تصویر شیئر کیے جانے پر ہر کسی نے انہیں مبارک باد پیش کی، جس پر انہیں خوشی کے ساتھ حیرانگی بھی ہوئی۔
اداکارہ نے ویڈیو میں بتایا کہ انہیں ساتھی فنکاروں، رشتے داروں، دوستوں اور مداحوں کے پیغامات آ رہے ہیں، جس پر انہیں خوشی کے ساتھ ساتھ ہنسی بھی آ رہی ہے۔
صحیفہ جبار کا کہنا تھا کہ ان کی جانب سے تصویر شیئر کیے جانے کے بعد لوگوں کے مبارک باد کے پیغامات مزاحیہ ہیں اور وہ انہیں پڑھ کر محظوظ ہو رہی ہیں۔
اداکارہ نے کہا کہ یقینی طور پر ان کے حاملہ ہونے کی خبریں اور تصاویر دیکھ کر ان کے شوہر سب سے زیادہ پریشان ہوئے ہوں گے۔
ویڈیو میں صحیفہ جبار کو ’بے بی بمپ‘ کے ساتھ شوٹنگ سیٹ پر دیکھا جا سکتا ہے اور انہوں نے بتایا کہ ابھی وہ ’بے بی بمپ‘ کو ختم نہیں کریں گی، شوٹنگ مکمل کروانے کے بعد اسے ہٹادیں گی۔
صحیفہ جبار کی جانب سے ’بے بی بمپ‘ کے ساتھ گمراہ کن تصویر شیئر کیے جانے پر سوشل میڈیا صارفین نے انہیں آڑے ہاتھوں لیتے ہوئے شدید تنقید کا نشانہ بھی بنایا۔
سوشل میڈیا صارفین نے لکھا کہ اداکارہ کو گمراہ کن تصویر شیئر کرتے وقت وضاحتی کیپشن بھی دینا چاہئیے تھا۔
لائیو ٹی وی