یمنیٰ زیدی کا اپنے ڈانس کی ویڈیو وائرل ہونے پر رد عمل
جلد ہی بڑے پردے پر جلوے بکھیرنے والی مقبول اداکارہ یمنیٰ زیدی نے اپنی رقص کی وائرل ویڈیو پر ردعمل دیتے ہوئے کہنا ہے کہ انہیں لگتا ہے وہ بہت اچھا ڈانس کرتی ہیں۔
گزشتہ ماہ دسمبر 2023 کے آخر میں وائرل ہونے والی ویڈیو کو ابتدائی طور پر یمنیٰ زیدی نے اپنے انسٹاگرام اکائونٹ پر شیئر کیا تھا۔
وائرل ہونے والی ویڈیو میں یمنیٰ زیدی کو اپنی آنے والی فلم نایاب کے ہی گانے شیندی پر ڈانس کرتے دیکھا گیا، ڈانس ویڈیو میں یمنیٰ کو سرخ عروسی لباس میں ڈانس کرتے دیکھا جا سکتا ہے۔
جہاں صارفین نے یمنیٰ زیدی کی ڈانس کو سراہا، وہیں بعض افراد نے ان پر تنقید کرتے ہوئے ان کے رقص کو بیکار قرار دیا۔
کچھ صارفین کا کہنا تھا کہ یمنیٰ زیدی جیسی اداکارہ کو ڈانس کرنا زیب نہیں دیتا جب کہ بعض نے لکھا کہ اداکارہ کو ڈانس ہی نہیں کرنے آتا۔
بعدازاں اداکارہ نے اس وائرل ویڈیو پر ردعمل دیا، انہوں نے ڈان نیوز کے پروگرام چائے ٹوسٹ اور ہوسٹ میں شرکت کرتے ہوئے کہا کہ ’مجھے لگتا ہے کہ میں بہت اچھا ڈانس کرسکتی ہوں، اور مجھے رقص کرنا بہت پسند ہے۔‘
لائیو ٹی وی