دوستوں کےساتھ ’باربی کیو پارٹی‘ کا پلان ہے؟ تو یہ ترکیب آزمائیں

لائف اینڈ اسٹائل ڈیسک شائع June 30, 2023

عیدالاضحیٰ کا دوسرا دن ہے، لیکن آج بھی کئی لوگ قربانی کررہے ہیں یا کوئی قصائی ڈھونڈ رہا ہے یا پھر کئی ایسے لوگ بھی ہیں جو دعوت کا اہتمام کررہے ہیں۔

عیدالاضحیٰ کے بعد خاندان اور دوستوں کے ساتھ باربی پارٹی لازمی ہوتی ہے، چونکہ ان دنوں دفتر کی چھٹی ہوتی ہے، اس لیے قریبی دوست کچھ وقت نکال کر ایک بار پھر پرانی باتیں یاد کرتے ہیں، قہقہے لگاتے ہیں اور پکوان انجوائے کرتے ہیں۔

چونکہ اس موقع پر تقریباً ہر گھر میں گوشت موجود ہوتا ہے، تو اگر ایک دوست اپنے گھر میں دعوت کا اہتمام کرے تو ضروری نہیں کہ دعوت کی ذمہ داری ایک ہی فرد کے ذمے ہو، آپ بھی اس میں حصہ ڈال سکتے ہیں۔

ایسا کرنے کے لیے آپ کوئی ایک پکوان تیار کرکے اپنے دوستوں کے ساتھ چئیر کرسکتے ہیں، باربی کیو آئٹمز میں تکا بوٹی ایک روایتی پکوان ہے، یہ مٹن یا گائے کے گوشت کے ساتھ تیار کیا جاتا ہے، گوشت کو پوری رات یا ایک دن کے لیے میرینیٹ کر کے چھوڑ دیا جاتا ہے جسے پھر گرل کرنے کے لیے تیار کیا جاتا ہے۔

مزے دار، مسالے دار تکا بوٹی کی ترکیب نیچے دی گئی ہے۔

اجزاء:

ایک کلو بیف/مٹن بوٹی کیوبز

2 کھانے کے چمچ ادرک لہسن کا پیسٹ

2 چمچ کچا پپیتا

ایک پیکٹ تکا بوٹی مسالہ

2 کھانے کے چمچ گھر کا بنا ہوا مسالہ (زیرہ، دھنیا اور مرچ فلیکس)

4 کھانے کے چمچ لیموں کا رس

4 کھانے کے چمچ تیل

طریقہ

ایک پیالے میں تمام اجزاء ڈال کر اچھی طرح یک جا کرلیں۔

اب گوشت کو پانچ سے چھ گھنٹوں کے لیے میرینیٹ کرلیں، پھر اس کو سیخوں پر لگا ئیں۔