ایران سے 140 غیر قانونی پاکستانی تارکین وطن بے دخل
ایرانی حکام نے ضلع چاغی کے سرحدی شہر تفتان میں رہداری گیٹ کے راستے 140 غیر قانونی پاکستانی تارکین وطن کو ملک بدر کر کے لیویز فورس کے حوالے کر دیا۔
ڈان اخبار کی رپورٹ کے مطابق لیویز فورس کے ایک افسر نے بتایا کہ تارکین وطن کو بعد میں مزید تفتیش کے لیے وفاقی تحقیقاتی ایجنسی کے حوالے کر دیا گیا۔
یہ بھی پڑھیں:ایران سے 200 سے زائد پاکستانی بے دخل
انہوں نے کہا کہ ملک کے مختلف حصوں سے تعلق رکھنے والے زیادہ تر تارکین وطن ایران کے راستے یورپ پہنچنے کی کوشش کرتے ہیں۔
انہوں نے بتایا کہ حراست میں لیے گئے افراد میں پنجاب سے 88، سندھ سے 24، کے پی کے 21، بلوچستان سے چار اور آزاد جموں و کشمیر کے تین افراد شامل ہیں۔
اس کے علاوہ 22 غیر قانونی تارکین وطن، جنہیں ایران نے ملک بدر کیا تھا، واپس بھیج دیا گیا کیونکہ ان کے پاس اپنی شہریت سے متعلق کوئی سرکاری دستاویز نہیں تھی۔
لائیو ٹی وی