رجب طیب اردوان کی شامی صورتحال پر بات چیت کے لیے روس آمد
ترک صدر رجب طیب اردوان شام کی صورتحال پر بات چیت اور باہمی معاشی تعلقات کے فروغ کے لیے روس پہنچ گئے۔
روسی صدر ولادی میر پیوٹن نے ترک صدر کی میزبانی کی۔
واضح رہے کہ روس اور ترکی کے درمیان شام کی صورتحال پر تبادلہ خیال جاری ہے جہاں دونوں ممالک نے شمالی صوبے ادلب میں سیکیورٹی زون قائم کیا ہے۔
مزید پڑھیں: روسی ساختہ دفاعی نظام کی خریداری: ترکی نے امریکی دباؤ مسترد کردیا
روس اور ایران کی جانب سے شامی صدر بشارالاسد کی حمایت کی جاتی رہی ہے جبکہ ترکی نے 8 سالہ جنگ میں ان کے دشمنوں کی پشت پناہی کی ہے۔
اس کے علاوہ امریکا کو خطے سے دور رکھنے کی مشترکہ خواہش رکھنے والے تینوں ممالک نے مل کر شام کے لیے امن معاہدہ کرنے کا بھی اعلان کیا ہے۔
رجب طیب اردوان کا استقبال کرتے ہوئے روسی صدر ولادی میر پیوٹن کا کہنا تھا کہ ان کے درمیان روس سے ترکی جانے والی پائپ لائن کے منصوبے کو مکمل کرنے سمیت دیگر معاشی منصوبوں پر بھی تبادلہ خیال ہوگا۔
لائیو ٹی وی