جی ڈی اے کا پیپلز پارٹی کے گڑھ سے انتخابی جلسوں کا آغاز
صوبہ سندھ میں پاکستان پیپلز پارٹی (پی پی پی) کی مخالفت اور اسے عام انتخابات میں شکست دینے کے لیے بنائے گئے سیاسی اتحاد گرینڈ ڈیموکریٹک الائنس (جی ڈی اے) نے مخالف پارٹی کے گڑھ سے ہی طاقتور انتخابی مہم کا آغاز کردیا۔
جی ڈی اے نے پیپلز پارٹی کے شریک چیئرمین آصف علی زرداری کے آبائی ضلع بے نظیر آباد (سابقہ نوابشاہ) سے سیاسی جلسوں کا آغاز کیا۔
جی ڈی اے پیپلز پارٹی کو ٹف ٹائم دینے کے لیے بے نظیر آباد سمیت سندھ کے متعدد اضلاع میں بڑے جلسے کرنے جا رہا ہے، جس میں اتحاد کے اعلیٰ رہنما خطاب کریں گے۔
#GDA started its #Elections2018 campaign from Nwbshah @imtiazchandyo pic.twitter.com/8lXPqp0UMR
— Imam B.Keerio (@ImamKeerio1) July 15, 2018
جی ڈی اے نے 15 جولائی سے سیاسی جلسوں کا آغاز نوابشاہ شہر سے کیا، جس میں لوگوں کی کثیر تعداد نے شرکت کی۔
جی ڈی اے کے سیاسی جلسوں کی شروعات کے موقع پر پیپلز پارٹی یوتھ کے صدر جاوید نایاب لغاری نے ٹوئیٹ کی کہ انہوں نے انتخابی مہم کے سلسلے میں سندھ کے کئی اضلاع کا دورہ کیا ہے، جس دوران انہیں احساس ہوا کہ پی پی ہی انتخابات میں کامیابی حاصل کرے گی۔
Anti-PPP alliance #GDA started its #Elections2018 #campaign frm #Nawabshah pic.twitter.com/8K7gTt6hui
— Imam B.Keerio (@ImamKeerio1) July 15, 2018
انہوں نے مزید لکھا کہ سندھ کے لوگوں کو جی ڈی اے کے بااثر رہنماؤں کی جانب سے دھمکیاں ملنے کے باوجود پیپلز پارٹی جیتے گی۔
ساتھ ہی انہوں نے جی ڈی اے کو اسٹار گروپ اتحاد قرار دیتے ہوئے لکھا کہ یہ ‘تھری یا فور اسٹار’ گروپ ہے۔
خیال رہے کہ پیر پگاڑا کی سربراہی میں بننے والے سیاسی اتحاد جی ڈی اے میں سابق وزیر اعلیٰ سندھ ارباب غلام رحیم، سید غوث علی شاہ، لیاقت علی جتوئی اور سابق وزیر داخلہ سندھ ذوالفقار مرزا اور ان کی اہلیہ فہمیدہ مرزا سمیت سندھ کی قومپرست پارٹیوں کے رہنما بھی شامل ہیں۔
Visited several distt of Sindh in Election Campaign. PPP is wining overwhelmingly, though many people are getting calls & witnessing pressure tactics by “ #StarGroup” remember #GDA symbol is “ Star” its may be 3 Star or 4 Star ?
— Javed Nayab Laghari (@JavedNLaghari) July 15, 2018
لائیو ٹی وی