ورلڈ کپ میں محمد صلاح کی یادگار سالگرہ
مصر کے اسٹار فٹبالر محمد صلاح 26 برس کے ہو گئے اور انہوں نے روس میں جاری ورلڈ کپ کے دوران اپنی ٹیم کے کھلاڑیوں کے ساتھ منفرد انداز میں سالگرہ منائی۔
روس میں جاری 21ویں فٹبال ورلڈ کپ میں مصر کی ٹیم کو اپنے افتتاحی میچ میں انجری کا شکار محمد صلاح کی خدمات حاصل نہیں تھیں اور انہیں ناکامی کا منہ دیکھنا پڑا تھا۔
تاہم شکست کے دو دن بعد ٹیم نے شکست کو بھلا کر اپنی ٹیم کے سب سے بڑے اسٹار محمد صلاح کی 26ویں سالگرہ منائی اور انہیں مبارکباد دی جو 15جون 1992 کو پیدا ہوئے تھے۔
Happy birthday bro #salah #mosalah #liverpool #lfc #ynwa #egypt #MohamedSalah #pl #محمد_صلاح #WorldCup2018 #worldcup #egypt #كاس_العالم_روسيا_2018 #كاس_العالم #مصر_في_كأس_العالم #منتخب_مصر #شجع_مصر pic.twitter.com/ytaW6t6O7R
— Mohamed Ali (@momosalah222) June 15, 2018
صلاح کی سالگرہ تو 15جون کو تھی جب مصر کی ٹیم یوراگوئے کے مدمقابل تھی لیکن اگلے دن جب ٹیم روس کے شہر ایکاٹیرن برگ میں عہد کی نماز ادا کر کے ہوٹل واپس پہنچی تو کھلاڑی یہ دیکھ کر حیران رہ گئے کہ اسٹار کھلاڑی کی ساگرہ کے لیے چھوٹی تقریب کا اہتمام کیا گیا ہے۔
انگلش پریمیئر میں لیورپول کی نمائندگی کرنے والے مصری سپراسٹار کی سالگرہ کے لیے خصوصی کیک بنوایا گیا جس پر مصر کے جھنڈے کے ساتھ ساتھ سنہرے رنگ کا جوتا بھی بنوایا گیا۔
Egypt forward Mohamed #Salah might have had a forgettable 26th birthday as his team lost to Uruguay in their World Cup opener on
— KING SALAH (@LfcNo10) June 16, 2018
Friday, but a group of fans from #Chechnya brought a smile to his face with a 100kg
cake decorated with a golden boot. pic.twitter.com/YRghaU46Qp
کیک پر جوتا بنانے کی وجہ یہ تھی کہ رواں سال صلاح نے انگلش پریمیئر لیگ میں گولڈن بوٹ کا ایوارڈ جیتا ہے۔
مصر کی ٹیم کا ورلڈ کپ میں اگلا مقابلہ 19 جون کو میزبان روس سے ہو گا اور اسے ورلڈ کپ کے پری کوارٹر فائنل مرحلے میں جگہ بنانے کے لیے اپنے دونوں میچوں میں لازمی فتح درکار ہے۔
لائیو ٹی وی