قومی ٹیسٹ اسکواڈ کا واہگہ بارڈر کا دورہ
لاہور: قومی کرکٹ ٹیم کے کھلاڑی واہگہ بارڈر پر پرچم اتارنے کی تقریب میں شریک ہوئے اور پاکستان زندہ باد کے فلک شگاف نعروں نے کھلاڑیوں کے لہو کو بھی گرما دیا۔
دورہ آئرلینڈ اور انگلینڈ کے لیے اعلان کردہ قومی اسکواڈ نے تربیتی کیمپ کے اختتام کے بعد واہگہ بارڈر کا دورہ کیا۔
اس موقع موجود شہریوں نے قومی کرکٹرز کو اپنے درمیان دیکھ کر خوشگوار حیرت کا اظہار کیا اور پاکستان زندہ باد کے نعرے لگائے جس نے واہگہ بارڈر پر سماں سا باندھ دیا۔
قومی ٹیم کے فاسٹ باؤلر حسن علی نے واہگہ بارڈر پر عوام کے سامنے آکر روایتی انداز میں جشن منایا جبکہ فاسٹ باؤلر رینجرز کے نوجوانوں کے ساتھ پریڈ میں بھی شریک ہوئے۔
واہگہ بارڈر پر پرچم کشائی کی تقریب میں قومی ٹیم کے کھلاڑی کپتان سرفراز احمد، اظہر علی، سمیع اسلم، بابر اعظم، حارث سہیل،عثمان صلاح الدین، فہیم اشرف، سعد علی اور راحت علی کے ساتھ آفیشلز بھی تقریب میں موجود تھے۔
لائیو ٹی وی