انٹرنیشنل کرکٹ کی پاکستان میں بحالی پر اسٹارز پرجوش
کرکٹ کی پاکستان میں آمد پر عوام سمیت کئی اہم شخصیات بھی کافی پرجوش اور خوش نظر آرہی ہیں۔
پاکستان میں انٹرنیشنل ورلڈ الیون کی میزبانی کی جارہی ہے، جہاں 7 ممالک سے تعلق رکھنے والے 15 کھلاڑیوں نے پاکستان کا دورہ کیا، جہاں لاہور میں تین ٹی20 میچوں کی سیریز پر مشتمل ’آزادی کپ‘ کھیلا جارہا ہے۔
ایسے موقع پر ظاہر ہے کہ عوام کا جوش ساتویں آسمان پر ہوگا۔
مزید پڑھیں: آزادی کپ: ورلڈ الیون کے خلاف پہلا ٹی20 پاکستان کے نام
گزشتہ رات پاکستان نے آزادی کپ کے پہلے ٹی ٹوئنٹی میچ میں ورلڈ الیون کو 20 رنز سے شکست دے کر سیریز میں 1-0 کی برتری حاصل کر لی، جس کے بعد ستاروں نے سوشل میڈیا پر اپنے جوش اور خوشی کا اظہار کیا۔
جگن کاظم نے میچ کے دوران سٹیڈیم سے اپنی تصویر شیئر کی
اداکارہ نے یہ بھی کہا کہ وہ لاہور میں اپنے دوست شعیب ملک کو سپورٹ کرنے کے لیے موجود ہیں۔
اداکار صنم جنگ نے بھی پاکستان ٹیم کی جیت کے لیے ٹویٹ کی
وسیم اکرم کی اہلیہ شنیئرا اکرم نے ٹویٹ کی کہ ’گزشتہ رات کا ہر منٹ بالکل ویسا تھا جیسا ہونا چاہیے، ویل ڈن پاکستان‘۔
وہ اس دوران اپنے شوہر کے ہمراہ سموسے کھاتے بھی نظر آئیں۔
وسیم اکرم نے کہا کہ میچ کے دوران لاہور کی ہوا میں کچھ جادو تھا۔
کرکٹرز بھی اپنی خوشی کا اظہار کرنے سے پیچھے نہ رہے۔
محمد کیف نے کہا کہ ‘پاکستانی مداح اس طرح کے انٹرنیشنل میچ کا انتظار کب سے کررہے تھے‘۔
عمر اکمل اور کامران اکمل نے بھی پاکستان کے پہلے میچ جیتنے کی مبارکباد دی۔
شاداب خان نے کہا کہ ’میری آخری دو وکٹ پاکستان میں پاکستان کے لیے‘۔
پاکستان میں جرمنی کے سفیر مارٹن کوبلر نے بھی پاکستان کے پہلے میچ جیتنے پر عوام کو مبارکباد دی۔
لائیو ٹی وی