لاہور: پنجاب کے دارالحکومت لاہور کے علاقے مال روڈ کے قریب ایک گیسٹ ہاؤس میں 15 سالہ لڑکی سے مبینہ طور پر ’گینگ ریپ‘ کا واقعہ پیش آیا۔

ڈان نیوز کے مطابق متاثرہ لڑکی کو تشویشناک حالت میں لاہور کے سروسز ہسپتال منتقل کیا گیا۔

پولیس کا کہنا تھا کہ لڑکی کو مبینہ طور پر نشہ آور مشروب بھی پلائی گئیں جبکہ ابتدائی طبی معائنے میں لڑکی سے زیادتی کی تصدیق ہوئی۔

ملتان روڈ کی رہائشی بدنصیب 15 سالہ لڑکی جسے کار سوار افراد نے اغواکرکے اجتماعی زیادتی کا نشانہ بنایا، رات ایک بجے کے قریب اطلاع ملنے پر متاثرہ لڑکی کےگھر والے اسے ہوٹل سے اسپتال لے گئے.

پولیس کے مطابق زیادتی میں مبینہ طور پر پولیس اہلکار بھی ملوث ہیں .

شک کے بنیاد پر پولیس نے 10 افراد کو حراست میں لے لیا۔

ڈان نیوز کے مطابق ڈی آئی جی آپریشنز حیدر اشرف نے بتایا کہ مبینہ مرکزی ملزم مفرور ہے جس کی تلاش کے لیے پولیس چھاپے مار رہی ہے۔

زیادتی کا شکار ہونے والی کمسن لڑکی آٹھویں جماعت کی طالبہ ہے.

ریس کورس تھانے کی پولیس نے ایک ہوٹل سے چھ افراد کو حراست میں لے کرحوالات منتقل کیا.

پولیس کا کہنا تھا کہ 6 سے 7 افراد نے متاثرہ لڑکی کو ملتان چونگی سے اغوا کیا تھا۔

لڑکی کے اہلخانہ نے الزام عائد کیا ہے کہ ملزمان انہیں جان سے ماردینے کی دھمکیاں دے رہے ہیں.

آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں