وزیر داخلہ کا یہ بیان کیسے سامنے آگیا حیرت ہے کہ خود تو وہ ایک مرتبہ اسمبلی کے فلور پر آجائیں وہاں سے اترنے کا نام نہیں لیتے ،ہم جیسے صحافی ان کی طویل تقاریر کو کسی طرح مختصر کرتے ہیں یہ ہمارا ہی دل گردہ ہے ۔ اب ایک طرف کراچی ائیر پورٹ پر حملہ ہوتا ہے ، وزیر داخلہ کا فون بند ہوتا ہے، وزارت داخلہ کی جانب سے کوئی جواب نہیں ملتا تو انھوں نے سمجھ لیا کہ اب فوج بھی کچھ نہیں بتائے عوام کو ، کم ازکم میں سمجھتی ہوں کہ اس ملک میں ایک ادارہ فوج کا ہی ایسا ہے جس پر عوام کو اعتماد ہے اور فوج بھی عوام سے محبت کرتی ہے ، میں ان چھوٹے رینکس پر موجود فوجیوںکی ہی بات کر رہی ہوں جو اپنی بھوک ، پیاس فراموش کئے ہوئے ہماری جانوں کیحفاظت پر مامور ہیں ۔وہ عوام کے ساتھ مخلص ہیں تب ہی انھوں نے یہ ساری بات میڈیا کو بتائی یہ نہیں کہ فون ہی بند کر لئے ، لیکن اس سارے چکر میں اطہر عباس صاحب کو ان تمام رازوں سے پردہ پہلے اٹھانا چاہیےتھا ، عوام حکومت کو ٹیکس دیتی ہے ، بجٹ کا ایک بڑا حصہ ہماری فوج اور دفاع پر خرچ ہوتا ہے ، تو یہ تو نہیں ہونا چاہیے ناں کہ ہماری ہی بلی اورہمیں ہی میائوں ۔۔۔۔۔ہاںکسی بھی ملک میں چند باتیں ایسی ہوتی ہیںایسے راز ہوتے ہیں جن کے بتانے سے بغاوت ہو سکتی ہے وہ ملکی سالمیت کے پیش نظر نہیں بتانے چاہیں ۔