ٹنڈوآدم میں فائرنگ، ایم کیو ایم کے سابق تعلقہ نائب ناظم ہلاک
حیدر آباد: صوبہ سندھ کے ضلع سانگھڑ کے شہر ٹنڈوآدم میں پیر کے روز فائرنگ کے ایک واقعے میں متحدہ قومی موومنٹ سے تعلق رکھنے والے سابق تعلقہ نائب ناظم کو نامعلوم افراد نے فائرنگ کرکے ہلاک کردیا ہے۔
پینتالیس سالہ شاہد شیخ کو واقعے کے بعد ہسپتال منتقل کیا گیا تاہم وہاں ڈاکٹروں نے انہیں مردہ قرار دیا۔
متحدہ کے حیدرآباد کے ارکان قومی اسمبلی راشد خلجی کے مطابق شاہد کو ٹنڈو آدم کے مرکزی بازار میں ان کی رہائش گاہ کے قریب ہلاک کیا گیا۔
اطلاعات کے مطابق کاروبار سے وابستہ شاہد کا گھر جناح روڈ پر واقع بازار کے قریب ہے جسکے قریب واقعہ رونما ہوا۔
ایک اور ورژن کے مطابق وہ اپنی والدہ سے ملنے کے لیے گھر سے نکلے تھے۔
پولیس ہلاک کرنے والوں کی تعداد کے بارے میں کچھ بتانے سے قاصر ہیں۔
شاہد 2005ء میں ضلع کے تعلقہ نائب ناظم منتخب ہوئے تھے۔
لائیو ٹی وی