باجوڑ ایجنسی میں افغانستان سے راکٹ حملہ، ایک شخص ہلاک
پشاور: باجوڑ ایجنسی کے گاؤں ہاشم میں افغانستان سے فائر کیے گئے میزائل حملے میں کم از کم ایک شہری ہلاک ہو گیا۔
پولیٹیکل انتظامیہ کے ایک آفیشل کے مطابق صوبہ خیبر پختونخوا کے قبائلی علاقے باجوڑ ایجنسی کی تحصیل میں واقع ہیڈ کوارٹر نے اس حملے کی تصدیق کی ہے۔
انہوں نے بتایا کہ یہ میزائل افغانستان کے صوبہ ننگر ہار سے فائر کیے گئے جو باجوڑ ایجنسی کی تحصیل چرمنگ میں واقع گاؤں ہاشم میں گرے۔
آفیشل کا کہنا تھا کہ سرحد پار سے پاکستان میں وقفے وقفے سے متعدد راکٹ فائر کیے گئے جس میں سے ایک رہائشی علاقے میں گرا جس سے ایک شخص ہلاک ہو گیا۔
لائیو ٹی وی