ٹی20 ورلڈ کپ کے فائنل میں آسٹریلیا نے نیوزی لینڈ کو شکست دے کر ٹی20 کا نیا چیمپیئن بننے کا اعزاز حاصل کر لیا۔

آسٹریلیا نے ٹاس جیت کر باؤلنگ کا فیصلہ کیا اور نیوزی لینڈ نے کپتان کین ولیمسن کی 48 گیندوں پر 85 رنز کی اننگز کی بدولت 4 وکٹوں کے نقصان پر 172رنز بنائے۔

ہیزل وُڈ نے عمدہ باؤلنگ کرتے ہوئے 16 رنز کے عوض 3 وکٹیں لیں۔

جواب میں آسٹریلیا نے ڈیوڈ وارنر اور مچل مارش کی نصف سنچریوں کی بدولت 2 وکٹوں کے نقصان پر ہدف حاصل کر لیا۔

آسٹریلیا نے میچ میں 8 وکٹوں سے فتح حاصل کر کے پہلی مرتبہ ٹی20 چیمپیئن بننے کا اعزاز حاصل کیا ہے۔