افغانستان کے خلاف ورلڈکپ کے اہم میچ میں پاکستان نے عماد وسیم کی عمدہ بیٹنگ کی بدولت افغانستان کو سنسنی خیز مقابلے کے بعد 3وکٹوں سے شکست دے دی۔

میچ کے دوران پہلے پاکستانی باؤلرز افغان بلے بازوں اور پھر افغان باؤلرز پاکستانی بلے بازوں پر چھائے رہے۔

اختتامی لمحات میں اپنے اعصاب پر قابو رکھ کر عماد وسیم نے عمدہ بیٹنگ کا مظاہرہ کیا اور ٹیم کو اہم 2 پوائنٹس دلوادیے۔

میچ میں 2 وکٹیں اور 49 رنز بنانے پر عماد وسیم کو مین آف دی میچ کا ایوارڈ بھی دیا گیا۔