مانچسٹر: ورلڈ کپ میں قومی ٹیم کی پے درپے شکستوں کے بعد پاکستانی نژاد برطانوی باکسر عامر خان نے قومی کرکٹ ٹیم کی مدد کی پیشکش کردی۔

سماجی رابطوں کی ویب سائٹ ٹوئٹر پر باکسر عامر خان نے اپنے پیغام میں قومی ٹیم کو مدد کی پیشکش کرتے ہوئے کہا کہ پاکستان کرکٹ ٹیم کی مدد کرنا چاہوں گا۔

عامر خان نے کہا کہ کھلاڑیوں کو فٹ اور مضبوط رہنے کے لیے مشورہ دینا چاہوں گا اور انہیں یہ بھی بتاؤں گا کہ فوڈ، ڈائٹ اور ٹریننگ میں ڈسپلن کیسے رہا جاتا ہے۔

برطانوی نژاد پاکستانی باکسر کے مطابق پاکستان کرکٹ ٹیم میں ٹیلنٹ ہے مگر کھلاڑیوں اسٹیمنا اور کنڈیشن پر توجہ کو بہتر بنانے کی ضرورت ہے۔