کانو: شمالی نائجیریا کے شہر کدونا میں دو دھماکوں کے نتیجے میں کم از کم 25 افراد ہلاک ہو گئے۔

پولیس کے مطابق ایک خود کش دھماکے میں عوامی سطح پر مذہبی انتہا پسندوں پر تنقید کرنے والے ممتاز عالم دھرو بوچی کے قافلے کو نشانہ بنایا گیا۔

شہر کے مرکز کے قریب سڑک پر خود کش حملے میں بوکو حرام کے ملوث ہونے کی فوری طور پر تصدیق نہیں ہو سکی ہے۔

تاہم رواں سال بوکو حرام کے حملوں میں اب تک 2,000 افراد مارے جا چکے ہیں۔

دو گھنٹے بعد دوسرا دھماکا کدونا کے مضافات میں پر ہجوم علاقے میں ہوا، دوسرا دھماکا عالم کے قافلے پر خود کش حملے سے کچھ کلو میٹر دوری پر ہوا۔

پولیس، ابھی پہلے دھماکے کی تحقیقات نہیں کر پائی تھی کہ دوسرا دھماکا ہو گیا، جس سے کدونا شہر لرز گیا۔

بوکو حرام نے شمالی نائیجریا میں کئی علماء کے قتل کا دعوٰی کیا ہے، بوکو حرام نے پہلے بھی نائیجریا کے دو طاقتور اسلامی رہنماؤں کو بھی قتل کرنے کو کوشش کی تھی، تاہم حملے ناکام رہے۔