ہنگو: پاکستان کے صوبہ خیبر پختونخوا کے ضلع ہنگو میں نامعلوم شدت پسندوں نے آج ہفتے کے روز ایک گورنمنٹ ہائی اسکول کو دھماکے سے اڑا دیا جس کے نتیجے میں اسکول کا چوکیدار زخمی ہوگیا۔

یہ واقعہ ضلع ہنگو کے علاقے توراوڑی میں پیش آیا جہاں پر پولیس کا کہنا ہے کہ نامعلوم شدت پسندوں نے دھماکہ خیز مواد اسکول کے تین کمروں میں نصب کر رکھا تھا۔

زخمی ہونے والے چوکیدار کو فوری طور پر قریبی ہسپتال پہنچا دیا گیا جہاں اب اس کی حالت بہتر بتائی جارہی ہے۔

دھماکے نتیجے میں اسکول کی تینوں کلاسوں کے کمرے مکمل طور پر تباہ ہوگئے۔

واقعہ کے بعد پولیس نے علاقےکو گھیرے میں لے کر تفتیش کا عمل شروع کردیا گیا۔

ابھی تک اس واقعہ کی ذمہ داری کسی گروپ یا تنظیم کی جانب سے قبول نہیں کی گئی ہے۔