اسلام آباد: سینٹر میاں رضا ربانی نے جمعے کے روز کہا ہے کہ نئے آرمی چیف راحیل شریف فوج کو آئین کے تابع رکھیں جبکہ انہوں نے حکومت سے مطالبہ کیا کہ قومی سلامتی کمیٹی کو بحال کر کے مستقل ادارہ بنائے۔

ڈان نیوز کے مطابق اسلام آباد میں میڈیا سے گفتگو کرتے ہوئے میاں رضا ربانی کا کہنا تھا کہ قومی سلامتی کمیٹی ایک اچھا ادارہ تھا، اس کو مستقل ادارہ بنایا جائے۔

قومی سلامتی کمیٹی چلتی پھرتی اے پی سی تھی جس میں تمام اسٹیک ہولڈرز شامل تھے۔

انہوں نے کہا کہ قومی سلامتی کمیٹی نے 88 سفارشات حکومت کو دیں تھیں۔

تحریک انصاف کے دھرنے کے حوالے سے انہوں نے کہا کہ پارٹی نیٹو سپلائی کے دھرنے میں سنجیدہ نہیں ہے، صرف سیاسی پوائنٹ اسکورننگ کر رہی ہے۔