اسلام آباد: پاکستان مسلم لیگ نواز کی وفاقی حکومت نے وزیر پانی و بجلی خواجہ آصف کو دفاع جبکہ وزیر اطلاعات پرویز رشید کو قانون و انصاف کا اضافی چارج دیا گیا ہے۔

گیارہ مئی کے انتخابات کے بعد وزیر اعظم بننے والے نواز شریف نے وزارت دفاع اور خارجہ جیسے اہم قلم دان اپنے پاس رکھنے کا فیصلہ کیا تھا۔

تاہم رواں ہفتے سپریم کورٹ میں زیر سماعت لاپتہ افراد کے مختلف کیسوں میں پیش رفت نہ ہونے پر سپریم کورٹ نے خبر دار کیا تھا کہ لاپتہ افراد کو پیش نہ کرنے پر وزیر دفاع کو عدالت طلب کیا جا سکتا ہے۔

خواجہ آصف قلمدان سنبھلانے کے بعد کل ممکنہ طور پر لاپتہ افراد کیس میں عدالت میں پیش ہوں گے۔

خیال رہے کہ وزارت قانون و انصاف کئی مہینوں سے خالی پڑی تھی۔