بالی وڈ اداکار سلمان خان نے لولیا وونچر کو بطور جیون ساتھی چن لیا ہے۔- آن لائن فوٹو

بالی وڈ کے سپر سٹار اور لاکھوں دلوں کی دھڑکن سلمان خان نے آخرکار شادی کرنے کا فیصلہ کر ہی لیا۔

اداکار نے جیون ساتھی کے لیے رومانیہ کی حسینہ لولیا وونچر کو چن لیا ہے۔

ہندوستانی میڈیا کے مطابق، سابق مس ورلڈ ایشوریہ رائے اور کترینہ کیف کے بعد اب دبنگ خان رومانیہ کی اداکار لولیا وونچر کے معاملے میں بہت سنجیدہ نظر آرہے ہیں۔

دونوں اداکار ایک دوسرے کو گزشتہ دو سالوں سے جانتے ہیں جب کہ سلمان خان اپنی اور لولیا کی دوستی کو میڈیا اور لوگوں سے چھپانے میں بھی کامیاب رہے۔

بالآخر اب دبنگ خان نے اس راز پر سے پردہ اٹھا دیا ہے اور وہ آج کل لولیا کے ساتھ ہی نظر آرہے ہیں۔

سلمان خان نے اپنے والد اور والدہ کے سامنے بھی لولیا سے شادی کا اعتراف کیا ہے جب کہ خاندانی ذرائع اور دوستوں نے بھی سلو میاں کی شادی کے فیصلے کی تصدیق کردی ہے۔