پاکستان کے قبائلی علاقے شمالی وزیرستان میں حکام کے مطابق امریکی جاسوس طیارے نے شدت پسندوں کے ایک کمپاؤنڈ کو نشانہ بنایا ہے جس کے نتیجے میں چھ مبینہ شدت پسند مارے گئے ہیں۔مقامی انتظامیہ نے بتایا کہ اتوار کی صبح شمالی وزیرستان کے صدر مقام میران شاہ سے تقریباً سات کلومیٹر کے فاصلے پر افغان سرحد کے قریب تحصیل شاہ وال کے علاقے کونڈ غر میں امریکی جاسوس طیارے سے دو مزایل داغے گئے، جن کے باعث چھ شدت پسند ہلاک ہو گئے ہیں۔ اس حملے میں کمپاؤنڈ مکمل طور پر تباہ ہو گیا ہے۔ حکام کا کہنا ہے کہ یہ کمپاؤنڈ حقانی نیٹورک کے جنگجوؤں کا تھا جو گزشتہ دو سالوں سے یہاں مقیم تھے۔یہ علاقہ جنوبی وزیرستان اور شمالی وزیرستان کے مابین سرحد پر واقع ہے۔ یاد رہے کہ کچھ روز قبل امریکہ نے کہا تھا کہ حقانی نیٹورک کو دہشت گرد تنظیم قرار دیا جائے۔ http://www.bbc.co.uk/urdu/roll... وزیرستان ،خصوصا شمالی وزیرستان ،القاعدہ اور طالبان کا گڑھ اور دہشت گردی کا مرکز سمجھا جاتا ہے کیونکہ دنیا بھر کے دہشت گرد یہاں موجود ہیں۔ “ہر کوئی شمالی وزیرستان میں ہے،وہاں عرب ہیں ،ازبک ہیں ،تاجک ،انڈونیشی ،بنگالی، پنجابی ،افغان ، چیچن اور سفید جہادی ۔ یورپین جہادی” کامران خان ممبر پارلیمنٹ، میران شاہ۔ “تقریبا ۱۰ ہزار غیر ملکی جہادی شمالی وزیرستان میں ہیں”( ڈیلی ڈان) اسامہ بن لادن اور اس کے ساتھی غیرملکی دہشت گرد شمالی وزیرستان پر قبضہ کئے بیٹھے ہیں اور انہوں نے پاکستان کی خود مختاری اور سالمیت کو خطرے مین ڈال دیا ہے۔القاعدہ اور طالبان سمیت دیگر دوسرے گروپوں کی پناہ گاہیں پاکستان کے لیے بڑا مسئلہ ہے۔ القائدہ اور طالبان کے وجود مین آنے پہلے پاکستان مین تشدد اور دہشتگردی نام کی کوئی چیز نہ تھی۔ القائدہ نے طالبان کے ساتھ مل کر قتل و غارت گری کا ایک بازار گرم کر دیا، کاروبار کا خاتمہ ہو گیا،مسجدوں،تعلیمی اداروں اور بازاروں میں لوگوں کو اپنی جانوں کے لالے پڑ گئے .پاکستان میں ہونے والے ۸۰ فیصد دہشت گردی کے واقعات کے تانے بانے وزیرستان سے ملتے ہیں۔ حقائق تبدیل ہوچکے ہیں، اگر یہ عسکریت پسند کسی اور کیلئے خطرہ ہیں تو وہ ہمارے لئے بھی خطرہ ہیں اور خطرہ رہیں گے۔ کوئی اچھا اور برا دہشت گرد نہیں ہوتا ۔ ہمیں اپنی سرزمین دہشتگردی کی کارروائیوں کے لئے ہرگز ہرگز استعمال کرنےکی اجازت نہیں دینی ہوگی۔اور ہمیں جہادی عناصر کو ہمیشہ کے لئے نکیل ڈالنی ہو گی اور ان کی بیخ کنی کرنا ہو گی کیونکہ یہ ہمارے بچوں ،عورتوں،بزرگوں اور بے گناہ و معصوم شہریوں کو طالبان و القائدہ کے ہاتھوں بچانے اور محفوظ رکھنے کے لئے ضروری ہ