Thu April 03, 2025

04 Shawwal 1446

KHI: Fajr 5:05am Sunrise 6:22am
LHR: Fajr 4:26am Sunrise 5:49am
ISB: Fajr 4:28am Sunrise 5:53am
KHI: Fajr 5:05am Sunrise 6:22am
LHR: Fajr 4:26am Sunrise 5:49am
ISB: Fajr 4:28am Sunrise 5:53am

پہلا صفحہ تازہ ترین

بریتھ پاکستان اسرائیل حماس جنگ فیکٹ چیک صحت حیرت انگیز

پاکستان

چیف جسٹس شیعہ ہلاکتوں پر از خود نوٹس لیں، عمران

خبر رساں ادارے شائع September 3, 2012

واٹس ایپ چینل

حکومت عام لوگوں کو تحفظ دینے میں ناکام ہوگئی، عمران خان۔ —اے ایف پی فوٹو

اسلام آباد: پاکستان تحریک انصاف کے سربراہ عمران خان نے میڈیا کے توسط سے چیف جسٹس سے درخواست کی ہے کہ وہ بلوچستان اور گلگت – بلتستان میں جاری فرقہ وارانہ دہشت گردی پر از خود نوٹس لیں۔

ڈان نیوز کے مطابق عمران خان نے اسکردو میں مختلف مکاتب فکر کی مساجد میں جاکر علماء کرام سے ملاقات کی اور اتحاد امت کو قائم رکھنے کیلئے روا داری کو فروغ دینے پر زور دیا۔

اس موقع پر انہوں نے پریس کانفرنس سے خطاب کے دوران کہا کہ حکومت عام لوگوں کو تحفظ دینے میں ناکام ہوگئی ہے۔

انہوں نے بابو سر واقعہ کو بد ترین سانحہ قرار دیتے ہوئے کہا کہ کوئٹہ اور گلگت میں ایک فرقہ کے لوگوں کے قتل عام پر حکومتی خاموشی افسوس ناک ہے ۔

انہوں نے کہا کہ چیف جسٹس مختلف معاملات پر تو از خود نوٹس لیتے ہیں لیکن وہ فرقہ وارانہ دہشت گردی پر نوٹس نہیں لے رہے۔

اس موقع پر انہوں نے وعدہ کیا کہ پی ٹی آئی ان دہشت گرد تنظیموں کے خلاف آواز آٹھاتی رہے گی جو جان بوجھ کر ملک میں انتشار پیدا کرنے کیلیے فرقہ وارانہ قتل وغارت کر رہی ہیں۔

واٹس ایپ چینل

تبصرے (9) بند ہیں

Syed Sep 04, 2012 08:44am

مجھے نہیں لگتا کہ یہ چیف اِنجسٹس آف پاکستان، مسٹر چوہدری، مظلوم پاکستانیوں کو ریلیف دینے کا واقعی اہل بھی ہے۔۔۔؟

Syed Sep 04, 2012 09:08am

خان صاحب۔۔۔ الیکشن قریب ہیں اور آپ کو بھی سُوموٹو یاد آ ہی گیا۔ ایک اور آپ ہی کے بھائی ہیں کراچی میں وہ بھی آج کل بہت شیعہ، شیعہ بولتے نظر آ ہے ہیں۔

Syed Sep 04, 2012 09:11am

خان صاحب۔۔۔ الیکشن قریب ہیں آپ کو بھی سُوموٹو یاد آ ہی گیا۔ ایک اور آپ ہی کے بھائی ہیں کراچی سے، وہ بھی آج کل بہت شیعہ، شیعہ بولتے نظر آ رہے ہیں۔

ضیاء حیدری Sep 14, 2012 03:55pm

حکومت کی ذمہ داری ہے کہ عوام کا تحفظ کرے سوموٹو ایکشن مسئلہ کا حل نہیں ہے- بھائی لوگ سمجھتے ہیں کسی کو شیعہ کہنے سے اس فرقہ کو خوش کر دو اور لاشوں سے سیاست چلاؤ- ذرا اپنا فرقہ بھی تو بتاؤ- شیعوں سے ہمدردی ہے تو پھر حکومت چھوڑ دو یا ان نااہل حکمرانوں سے نجات دلاؤ-

Syed Sep 19, 2012 10:27am

لازم ہے کہ ہم بھی دیکھیں گے۔۔۔ چیف جسٹس آف پاکستان صاحب۔ آپ نے سُووموٹو ایکشن نہی لینا ہے مت لیں، آپ بھی آخر ایک انسان ہی تو ہیں، ہو سکتا ہے مجبور بھی ہوں۔۔۔؟ یہ سب تین عشروں سے اِسی طرح روزانہ مرنے والے بھلا کونسا آپ کے اپنے ہیں۔ آپ کا تو بس ارسلان سلامت رہے، اِن سب کیلئے اللہ کافی ہے اور وہ بہترین کارساز ہے۔۔۔

Syed Sep 19, 2012 10:29am

طالبان جیسے “شجرہ خبیثہ” کو خلق کرنے والی فورسز نے طالبان کے اجزائے ترکیبی میں اہم جزو “شیعہ دشمنی” رکھا ہے، گڈ طالبان، بیڈ طالبان، اینٹی پاکستان، پرو پاکستان۔۔۔ طالبان سب کے سب شیعہ دشمنی کے ایجنڈے پر اکٹھے نظر آتے ہیں۔ طالبان نوازی کی پالیسی کا سب سے زیادہ تاوان شیعہ قوم نے ادا کیا ہے، آخر کب تک اِس مبینہ “اِسٹریٹیجک ایسیٹس” کے نام پر ملک میں فرقہ واریت کا بازار گرم رکھا جائے گا۔۔۔؟ اِن مبینہ “اِسٹریٹیجک ایسیٹس” کی وجہ سے وہ کونسی آفت ہے جو پاکستان پر نہیں ٹوٹی، پاکستانی عوام آخر کب تک اِن غلط پالیسیوں کا خراج دیتی رہے گی۔۔۔ آخر کب تک؟

Ataul Muzafar Dec 09, 2012 07:50am

جناب سب شیعہ حضرات کے قتل پر تو بہت واویلا مچا رہے ہیں لیکن اس ملک میں ایک اور اقلیت (جماعت احمدیہ )بھی آجکل بہت زیادہ ظلم و ستم کا شکار ہے اس جماوت کے لوگوں کے قتل پر تو کویہ بھی آواز اُٹھانے کی کوشش نہیں کررہا۔ یہ کہاں کا انصاف ہے جناب عمران خان صاحب۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شانزے Dec 12, 2012 12:49pm

جب تک اس ملک سے مدرسہ سسٹم کا مکمل خاتمہ نہیں ہو جاتا فرقہ واریت جاری رہے گی اگر کںواں صاف کرنا ھے تو اس میں سے کتا نکالنا ھو گا ھم ھر طرح کی فرقہ وارہت کا ذمہ ضیا کو دیتے ھیں مگراس کا اصل ذمہ دار بھٹو ھے جس نے مولویوں کو خوش کرنے اور محض اپنے اقدار کو طول دینے کی خاطر احمدیوں کو کافر قرار دے دیا اور اس ملک کو ھمیشہ کے لیے فرقہ وارہت کی آگ میں جھونک گیا

Ataul Muzafar Dec 13, 2012 07:09am

آپ نے بجا فرمایا ھے شانزے ۔ فرقہ واریت کی ابتدا احمدیوں کو غیر مسلم کھنے سے شروع ھوئی تھی جو کھ بھٹو صاحب نے اپنی سیاست چمکانے کے لئے کیا تھا۔