مسٹر پرفیکٹ ٹائم میگزین کے سرورق پر
عامر خان ممتاز بیبن االاقوامی جریدے ٹائم میگزین نے بالی وڈ سپر اسٹار، عامر خان کے متعلق ایک مضمون شائع کرتے ہوئے ان کی تصویر کو اپنے سرورق کی زینت بنایا ہے۔
خانزکوئیسٹ یا خان کی تلاش کے عنوان سے ٹائم میگزین نے سماجی مسائل پر ان کے مقبول ٹی وی شو ستیئمے جے تے کو موضوع بحث بنایا ہے۔ اس پروگرام میں وہ ہندوستان کے سُلگتے ہوئے سماجی موضوعات پر بحث کرتے ہیں۔
تیرہ اقساط پر مبنی اس شو کو نہ صرف بھارت میں بلکہ دنیا بھر میں بے حد سراہا گیا ہے جسے میں ہندوستان کے چند اہم ترین مسائل کو بہت موثر انداز میں اُجاگر کیا گیا تھا۔
انٹرنیٹ اور سوشل میڈیا پربھی اس پروگرام کا چرچا رہا جس میں عامر خان نے نہایت حساس موضوعات پر لوگوں کے جذبات کو اُبھار کر ان مسائل کے ادراک پر مجبور کیا تھا۔
پروین بابی اور ایشوریا رائے کے بعد عامر خان بالی وڈ کے تیسرے اداکار ہیں جنہیں ٹائم میگزین کے سرورق پر جگہ ملی ہے۔
لائیو ٹی وی