کامران اکمل بدعنوان ہیں، ذوالقرنین حیدر
آئی سی سی کی کلیرنس کے بغیر کرکٹ بورڈ کس بنیاد پر کامران اکمل کو منتخب کرسکتا ہے، ذوالقرنین حیدر۔ اے پی فوٹو
لاہور: ماضی میں پاکستانی ٹیم کا حصہ رہنے والے متنازعہ وکٹ کیپر ذوالقرنین حیدر نے کامران اکمل پر بد عنوانی کے الزام عائد کیے ہیں۔
بدھ کے روز فیس بک پر اپنے ایک پیغام میں وکٹ کیپر نے کہا کہ انٹرنیشنل کرکٹ کونسل (آئی سی سی) کی کلیئرنس کے بغیر پاکستان کرکٹ بورڈ نے کس بنیاد پر کامران کو دوبارہ ٹیم میں شامل کیا ہے۔
ڈان نیوز سے بات کرتے ہوئے انہوں نے کامران پر بدعنوان ہونے کا الزام لگایا اور کہا کہ وہ جلد ہی شواہد لیکر میڈیا میں آئیں گے۔
انہوں نے مطالبہ کیا کہ اگر کامران کو کلین چٹ ملی ہے تو متعلقہ دوستاویز منظر عام پر لائیں ۔
واضع رہے کہ ذوالقرنین پہلے بھی کامران اکمل اور دیگر کھلاڑیوں پر کرپشن کے الزامات لگاچکے ہیں۔
لائیو ٹی وی