ہندوستان: لالو پرساد یادو پر فرد جرم عائد
نئی دہلی: ہندوستان کے شہر رانچی میں ایک خصوصی سینٹرل بیورو آف ایویسٹیگیشن (سی بی آئی) کورٹ نے پیر کے روز بہار کے سابق وزیراعلیٰ اور راشتریا جنتا دل کے صدر لالو پرساد یادو کے خلاف فرد جرم عائد کردی گئی ہے۔
ٹائمز آف انڈیا کی ایک رپورٹ کے مطابق ان کے خلاف فیصلہ تین اکتوبر کو سنایا جائے گا جس کے باعث خدشہ ہے کہ فوری طور پر انہیں ارکان پالیمنٹ کے منصب سے ہٹا دیا جائے گا۔
ہندوستانی میڈیا کا کہنا ہے کہ لالو برساد کو تین سے سات سال تک کی سزا ہوسکتی ہے۔
ہندوستان کی سپریم کورٹ کے ایک حالیہ فیصلے کے مطابق دو سال یا اس سے زائد عرصے کے لیے سزا پانے والا کوئی بھی ارکان پارلیمنٹ نااہل قرار تصور کیا جائے گا۔
مقدمے میں بہار کے ایک اور سابق وزیراعلیٰ جگن ناتھ سمیت دیگر کم از کم 41 افراد کو نامزد کیا گیا ہے۔
کیس میں ملزمان پر الزام ہے کہ انہوں نے جانوروں کے چارے سے متعلق ایک ادارے سے 950 کروڑ روپے کا گھپلا کیا۔
لائیو ٹی وی