ڈیرہ اسماعیل خان: قبائلی مشیران، علمائے کرام کا فتنہ الخوارج کیخلاف پاک فوج کا ساتھ دینے کا اعلان
ڈیرہ اسماعیل خان کے علاقے دراذندہ میں پاک فوج کے تعاون سے شیرانی قوم کے مشیران اور عمائدین کا گرینڈ امن جرگہ ہوا۔
ڈان نیوز کے مطابق شیرانی قوم کے مشیران اور عمائدین سمیت بڑی تعداد میں علمائے کرام، اساتذہ اور دیگر مکاتب فکر کے لوگوں نے بڑی تعداد میں شرکت کی۔
امن جرگے کے شرکا نے علاقائی امن کے قیام اور فتتہ الخوارج کے خاتمے کے لیے پاک فوج کا مکمل ساتھ دینے کا اعلان کر دیا، مشیران و عمائدین نے پاک فوج اور سیکیورٹی فورسز اور ان کے شہدا کی لازوال قربانیوں کو زبردست خراج تحسین پیش کیا۔
شرکا نے متفقہ طور پر فتنتہ الخوارج اور شر پسند عناصر کی روک تھام اور اس سلسلے میں حکام کے ساتھ مکمل تعاون کی بھی یقین دہانی کرائی۔
درازندہ میں مقامی بریگیڈ کمانڈر نے خصوصی طور پر جرگے میں شرکت کی۔
مشیران و عمائدین، علمائے کرام اور مشائخ کرام نے علاقے میں تعلیم، صحت خصوصاً بچیوں کی تعلیم کے حوالے سے کی جانے والی کاوشوں پر پاک فوج کا شکریہ ادا کیا۔
لائیو ٹی وی