وزیراعظم شہبازشریف کی کاوشوں سےملک درست سمت پر گامزن ہوچکا، نواز شریف
پاکستان مسلم لیگ ( ن ) کے صدر نے کہا ہے کہ وزیراعظم شہبازشریف کی کاوشوں سےملک درست سمت پر گامزن ہوچکا، بجلی کے نرخوں میں ریکارڈ کمی پر وزیراعظم شہباز شریف کو مبارک باد دی۔
ڈان نیوز کے مطابق پاکستان مسلم (ن) کے صدر میاں نواز شریف نے بجلی کےنرخوں میں ریکارڈ کمی پر وزیراعظم شہباز شریف کو مبارکباد دیتے ہوئے کہا ہے کہ وزیراعظم شہبازشریف کی کاوشوں سےملک درست سمت پر گامزن ہوچکا ہے۔
نوازشریف نے گھریلو اور صنعتی صارفین کے لیے بجلی کےنرخ کم کرنے پروزیراعظم کی ٹیم کو سراہا اور کہا کہ بجلی سستی کرنےسےنہ صرف عوام کو ریلیف ملے گا بلکہ ایکسپورٹ بھی بڑھے گی۔
انہوں نے کہا کہ (ن) لیگ کے دور میں ہی ہمیشہ عوام کومعاشی ریلیف ملتا ہے، مہنگائی میں مسلسل کمی لیگی بہترین معاشی پالیسیوں کا منہ بولتا ثبوت ہے، ملک میں ترقی کی راہیں کھل رہی ہیں جس سے نوجوانوں کو روزگار ملے گا۔
خیال رہے کہ گزشتہ روز وزیراعظم شہباز شریف نے بجلی کے گھریلو صارفین کے لیے قیمتوں میں 7 روپے 41 پیسے فی یونٹ اور صنعتی صارفین کے لیے 7 روپے 59 پیسے فی یونٹ کمی کا اعلان کیا تھا۔
لائیو ٹی وی