نشتر ہسپتال کی ڈاکٹر کا شعبہ پلمونالوجی کے سربراہ پر ہراسانی کا الزام ، معاملہ کمیٹی کے سپرد
ملتان کے نشتر ہسپتال کی ڈاکٹر کے شعبہ پلمونالوجی کے سربراہ پر ہراسانی کے الزام کا معاملہ اینٹی ہراسمنٹ کمیٹی کو بھجوادیا گیا، ڈاکٹر اعظم مشتاق کا موقف ہے کہ لیڈی ڈاکٹر میری بیٹیوں کی طرح ہے،کسی کو ہراساں نہیں کیا۔
ڈان نیوز کے مطابق نشتر ہسپتال کی خاتون ڈاکٹر نے اسپتال انتظامیہ کو درخواست دی ہے جس میں شعبہ پلمونالوجی کے سربراہ ڈاکٹر اعظم مشتاق پر انہیں ہراساں کرنے کا الزام عائد کیا گیا ہے۔
ہسپتال انتظامیہ نے خاتون ڈاکٹر کی درخواست کارروائی کے لیے انسداد ہراسانی کمیٹی کو بھجوادی ہے۔
دوسری جانب سربراہ شعبہ پلمونالوجی ڈاکٹر اعظم مشتاق نے موقف دیتے ہوئے کہا ہے کہ لیڈی ڈاکٹر میری بیٹیوں کی طرح ہے،کسی کو ہراساں نہیں کیا، کسی بھی انکوائری کیلئے حاضر ہوں۔
لائیو ٹی وی