دہشتگردوں کو معاف نہیں کیا جاسکتا، مکمل خاتمے تک لڑیں گے، رانا ثنا اللہ
وزیراعظم کے مشیر رانا ثنا اللہ نے دہشت گردی کے مکمل خاتمے تک لڑنے کا عزم دہرادیا۔
ڈان نیوز کے مطابق فیصل آباد میں میڈیا سے گفتگو کرتے ہوئے انہوں نے دو ٹوک واضح کیا کہ دہشت گردوں کو کسی صورت معاف نہیں کیا جاسکتا اور دہشت گردی کا کوئی جواز فراہم نہیں کیا جا سکتا۔
انہوں نے کہا کہ دہشت گردی کسی صورت برداشت نہیں کی جائے گی، دہشت گردوں کی بالواسطہ حمایت ناقابل قبول ہے۔
رانا ثنا اللہ نے کہا کہ 6 کینال کے منصوبے پر بات کرتے ہوئے کہا کہ سندھ میں کچھ عناصر نے کینال منصوبے کو متنازع بنا دیا، حالاں کہ یہ ملک کی ترقی کے لیے اور زراعت کے لیے انقلابی منصوبہ ہے۔
دوسری جانب میڈیا رپورٹس کے مطابق رانا ثنا اللہ نے اپنے بیان میں کہا کہ دہشت گردوں کےکوئی مطالبات نہیں ہیں، دہشت گرد پاکستان کو توڑنا اور بلوچستان کو الگ کرنا چاہتے ہیں۔
انہوں نے کہا کہ دہشتگردوں کے خلاف کارروائی جاری ہے اور مکمل خاتمے تک جاری رہے گی، تاہم آئین اور قانون کو ماننے والوں کے مطالبات ماننے اور سننے کے لیے تیار ہیں۔
ان کا کہنا تھا درخواست ہے ایسا مطالبہ نہ کیا جائے، جس سے دہشت گردوں کی حمایت کا تاثر قائم ہو، ماہ رنگ بلوچ اور پی ٹی ایم کے لوگوں کو دہشت گرد نہیں کہتے، انہیں چاہیے ٹرین یرغمال بنانے اور بے گناہ لوگوں کو شہید کرنے والوں کی مذمت کریں۔
لائیو ٹی وی