مسلسل دوسرے روز سونا سستا ہوگیا
بُلندی پر پہنچنے کے بعد ملک بھر میں مسلسل دوسرے سونے کی قیمتوں میں کمی ہو گئی۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط کے حامل فی تولہ خالص سونے کا بھاؤ 800 روپے تنزلی سے 3 لاکھ 18 ہزار روپے ہو گیا۔
اسی طرح 24 قیراط 10 گرام سونا 686 روپے کمی سے 2 لاکھ 72 ہزار 633 روپے میں فروخت ہوا جبکہ 22 قیراط 10 گرام سونے کے دام 629 روپے تنزلی سے 2 لاکھ 49 ہزار 922 روپے ریکارڈ کیے گئے۔
ادھر، فی تولہ اور 10 گرام چاندی کے نرخ 3 ہزار 475 روپے اور 2 ہزار 979 روپے پر برقرار رہے۔
ایسوسی ایشن نے رپورٹ کیا کہ عالمی منڈی میں فی اونس سونے کی قیمت 9 ڈالر گر کر 3 ہزار 22 ڈالر پر آگئی۔
واضح رہے کہ گزشتہ روز (21 مارچ) 24 قیراط کے حامل فی تولہ خالص سونے کا بھاؤ 2 ہزار روپے تنزلی سے 3 لاکھ 18 ہزار 800 روپے ہو گیا تھا۔
اسی طرح 24 قیراط 10 گرام سونے کے نرخ ایک ہزار 712 روپے گر کر 2 لاکھ 73 ہزار 319 روپے ریکارڈ کیے گئے تھے جبکہ 22 قیراط 10 گرام سونا ایک ہزار 572 روپے نیچے آ کر 2 لاکھ 50 ہزار 551 روپے میں فروخت ہوا تھا۔
20 مارچ کو فی تولہ نرخ ایک ہزار 800 روپے بڑھ کر 3 لاکھ 20 ہزار 800 روپے کی نئی بُلند ترین سطح پر پہنچ گئے تھے۔
لائیو ٹی وی