سونے کی قیمتوں میں ریکارڈ تیزی، فی تولہ 3 لاکھ 20 ہزار 800 روپے کی نئی بُلند سطح پر
سونے کی قیمتوں میں ریکارڈ اضافے کا سلسلہ آج بھی جاری رہا اور فی تولہ نرخ ایک ہزار 800 روپے بڑھ کر 3 لاکھ 20 ہزار 800 روپے کی نئی بُلند ترین سطح پر پہنچ گیا۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط کے حامل فی تولہ خالص سونے کے دام 1800 روپے بڑھ کر 3 لاکھ 20 ہزار 800 روپے تک پہنچ گئے۔
اسی طرح 24 قیراط 10 گرام سونے کا بھاؤ 1543 روپے اضافے سے 2 لاکھ 75 ہزار 34 روپے ہو گیا جبکہ 22 قیراط 10 گرام سونا ایک ہزار 423 روپے مہنگا ہو کر 2 لاکھ 52 ہزار 123 روپے میں فروخت ہوا۔
ادھر، فی تولہ چاندی کے نرخ بھی 31 روپے بڑھ کر 3 ہزار 524 روپے جبکہ 10 گرام قیمت 26 روپے اضافے سے 3 ہزار 32 روپے ہو گئی۔
ایسوسی ایشن نے رپورٹ کیا کہ سونے کی فی اونس قیمت 12 ڈالر بڑھ کر 3 ہزار 50 ڈالر ریکارڈ کی گئی ہے۔
یاد رہے کہ گزشتہ روز اور فی تولہ نرخ 1650 روپے بڑھ کر 3 لاکھ 19 ہزار روپے کی نئی بلندیوں پر پہنچ گئے تھے۔
اسی طرح 24 قیراط کے حامل 10 گرام سونے کا بھاؤ 1415 روپے بڑھ کر 2 لاکھ 73 ہزار 491 روپے ریکارڈ کیا گیا تھا جبکہ 22 قیراط 10 گرام سونا 2 لاکھ 50 ہزار 700 روپے میں فروخت ہوا تھا۔
18 مارچ کو 24 قیراط سونے کی فی تولہ قیمت 2 ہزار 550 روپے اضافے کے بعد تین لاکھ 17 ہزار 350 روپے کی بلند ترین سطح پر پہنچ گئی تھی۔
لائیو ٹی وی