پاکستان کا کرنٹ اکاؤنٹ سرپلس کے بعد جنوری میں خسارے میں چلا گیا
پاکستان کا کرنٹ اکاؤنٹ ماہانہ بنیادوں پر سرپلس کے بعد جنوری میں خسارے میں چلا گیا اور جنوری 2025 میں کرنٹ اکاؤنٹ خسارہ 42 کروڑ ڈالرز ہوگیا۔
ڈان نیوز کے مطابق اسٹیٹ بینک آف پاکستان نے کرنٹ اکاؤنٹ بیلنس کی تفصیلات جاری کردیں جس میں بتایا گیا کہ رواں مالی سال کے پہلے 7 ماہ میں کرنٹ اکاؤنٹ 68 کروڑ 20 لاکھ ڈالرز سرپلس رہا۔
اسٹیٹ بینک آف پاکستان کی جانب سے کرنٹ اکاونٹ بیلنس کی جاری تفصیلات کے مطابق دسمبر 2024 میں کرنٹ اکاؤنٹ 47 کروڑ 40 لاکھ ڈالرز سرپلس تھا۔
اسٹیٹ بینک نے رپورٹ میں بتایا کہ جنوری 2024 میں کرنٹ اکاؤنٹ 40 کروڑ 40 لاکھ ڈالرزخسارے میں تھا جب کہ گزشتہ سال جولائی تاجنوری کرنٹ اکاؤنٹ 1 ارب 80 کروڑ 10 لاکھ ڈالرز خسارے میں تھا۔
یوں، دسمبر میں 2024 میں پاکستان کاکرنٹ اکاؤنٹ سرپلس کے بعد جنوری 2025 میں خسارے میں چلا گیا۔
ڈان اخبار کی رپورٹ کے مطابق اسٹیٹ بینک نے جمعے کو بتایا کہ نومبر میں 68 کروڑ 40 لاکھ ڈالر کے بڑے سرپلس کے بعد دسمبر میں بھی کرنٹ اکاؤنٹ سرپلس رہا۔
کرنٹ اکاؤنٹ میں دسمبر 2024 میں 58 کروڑ 20 لاکھ ڈالر کا ایک اور سرپلس ریکارڈ کیا گیا جس سے رواں مالی سال 2025 کی پہلی ششماہی کے لیے مجموعی سرپلس 1.2 ارب ڈالر تک پہنچ گیا۔
لائیو ٹی وی