خیبرپختونخوا اسمبلی میں نگران دور میں بھرتی سرکاری ملازمین کو فارغ کرنے کا بل منظور
خیبرپختونخوا اسمبلی نے نگران دور میں بھرتی ہونے والے ہزاروں سرکاری ملازمین کو فارغ کرنے کا بل منظور کر لیا۔
ڈان نیوز کے مطابق بل کا اطلاق 22 جنوری 2023 سے 29 فروری 2024 کی بھرتیوں پر ہوگا، قانون میں نگران دور کے دوران سن، اقلیتی کوٹہ، پبلک سروس کمیشن کے ذریعے بھرتیوں کو استثنی حاصل ہوگا۔
بل کے متن میں کہا گیا ہے کہ ملازمین کو نکالنے میں حائل رکاوٹیں دور کرنے کے لیے سات رکنی کمیٹی تشکیل دی جائے گی۔
بل مزید تجویز کیا گیا ہے کہ تمام ادارے نگران دور کی بھرتیوں کے حوالے سے 30 دن میں رپورٹ مرتب کریں گے۔
اس موقع پر وزیر قانون آفتاب عالم کا کہنا تھا کہ بار بار اجلاسوں کے باوجود بھی ہمیں ملازمین کی کل تعداد نہیں ملی، ہمیں صرف 9 ہزار 762 افراد کا ڈیٹا ملا ہے۔
وزیر قانون نے مزید کہا کہ یہ کام تو محکموں نے کیا تھا، اس لیے تو ڈیٹا نہیں مل رہا تھا، پھر بھی 9 ہزار کا ڈیٹا ملا ہے۔
آفتاب عالم نے بتایا کہ بہت سے محکموں نے الیکشن کمیشن سے این او سیز لیا ہے، طویل المدتی اس سیکشن کے خلاف گورنر راج کا نفاذ نہیں ہو سکتا، گورنر راج لگا کر خود کو بدنام کرنے والی بات ہے۔
لائیو ٹی وی