یشما گل کی بہن کی شادی، ہانیہ عامر، کومل میر اور دنانیر مبین کا رقص
معروف اداکارہ یشما گل کی بہن اروبا گل کی شادی کی تقریبات میں ہانیہ عامر اور دنانیر مبین سمیت دیگر اداکاروں کی ڈانس کرنے کی ویڈیوز وائرل ہوگئیں۔
یشما گل نے 2 جنوری کو بہن اروبا کے نکاح اور شادی کی دوسری تقریبات کی ویڈیوز اور تصاویر انسٹاگرام اسٹوریز میں شیئر کیں۔
اداکارہ کی بہن کی شادی کی ویڈیوز اور تصاویر دوسرے سوشل میڈیا اکاؤنٹس کی جانب سے بھی شیئر کی گئیں۔
ان کی بہن کی شادی کی تقریبات میں نہ صرف انہوں نے خود بلکہ ان کی سہیلیوں ہانیہ عامر، دنانیر مبین اور کومل میر سمیت دیگر نے بھی مختلف گانوں پر رقص کرکے شادی کی تقریبات کو چار چاند لگا دیے۔
تقریبات کی وائرل ہونے والی متعدد ویڈیوز میں یشما گل کو ہانیہ عامر، دنانیر مبین اور کومل میر سمیت دیگر کے ساتھ ڈانس کرتے دیکھا جا سکتا ہے۔
یشما گل کی بہن کی شادی کی تقریبات میں متعدد شوبز شخصیات نے شرکت کی جب کہ عمران اشرف سمیت دیگر اداکاروں کے ڈانس کرنے کی ویڈیوز بھی وائرل ہوگئیں۔
شادی کی تقریب میں اداکاراؤں کی ڈانس ویڈیوز وائرل ہونے کے بعد سوشل میڈیا صارفین نے جہاں ان کی تعریفیں کیں، وہیں بعض افراد نے انہیں آڑے ہاتھوں بھی لیا اور ان کے ڈانس کو نامناسب قرار دیا۔
لائیو ٹی وی