سونے کی قیمتوں میں 1400 روپے اضافہ ہوگیا
ملک بھر میں فی تولہ سونا 1400 روپے مہنگا ہو کر 2 لاکھ 74 ہزار روپے کا ہوگیا۔
سرکاری خبر رساں ادارے ’اے پی پی‘ کے مطابق آل سندھ صرافہ جیولرز ایسوسی ایشن نے رپورٹ کیا کہ 24 قیراط فی تولہ سونا 1400 روپے اضافے سے 2 لاکھ 74 ہزار روپے کا ہوگیا جبکہ 24 قیراط 10 گرام سونا 1200 روپے تنزلی سے 2 لاکھ 34 ہزار 911 روپے میں فروخت ہوا۔
اسی طرح 22 قیراط 10 گرام سونے کی قیمت 2 لاکھ 15 ہزار 335 روپے ریکارڈ کی گئی ہے۔
ادھر، چاندی کی فی تولہ اور 10 گرام قیمتیں 3 ہزار 350 روپے اور 2 ہزار 872 روپے پر برقرار رہیں۔
ایسوسی ایشن کے مطابق عالمی مارکیٹ میں بھی فی اونس سونے کی قیمت 14 ڈالر اضافے سے 2 ہزار 628 ڈالر پر پہنچ گئی۔
لائیو ٹی وی