چیمپیئنز ٹی 20 کپ: فخرزمان کی شاندار بیٹنگ کی بدولت ’یو ایم ٹی مارخورز‘ فائنل میں پہنچ گئی
چیمپیئنز ٹی 20 کپ میں ’یو ایم ٹی مارخورز‘ نے ’نرپور لائنز‘ کو 29 رنز سے شکست دے کر فائنل میں رسائی حاصل کرلی۔
راولپنڈی میں کھیلے گئے کوالیفائر میچ میں مارخورز نے فخرزمان کی شاندار بیٹنگ کی بدولت لائنز کو 29 رنز سے شکست دی، ایونٹ کا فائنل مقابلہ مارخورز اور اے بی ایل اسٹالینز کے درمیان بدھ کو ہوگا۔
کوالیفائر میچ میں پہلے بیٹنگ کرتے ہوئے مارخورز نے مقررہ 20 اوورز میں 6 وکٹوں کے نقصان پر 180 رنز بنائے، فخر زمان نے 5 چھکوں اور 9 چوکوں کی مدد سے 64 گیندوں پر 89 رنز کی دھواں دار اننگز کھیلی، اسٹالیئنز کے آفاق آفریدی نے 3، شہاب خان نے 2 اور شاہد عزیز نے ایک وکٹ حاصل کی۔
جواب میں لائنز کی ٹیم مقررہ اوورز میں 9 وکٹوں کے نقصان پر 151 رنز ہی بناسکی، فاتح ٹیم کے عاکف جاوید نے 3، نثار احمد نے 2، محمد نواز اور محمد عمران جونیئر نے ایک، ایک کھلاڑی آؤٹ کیا۔
شاندار کارکردگی کا مظاہرہ کرنے پر فخرزمان میچ آف دی میچ قرار پائے۔
لائیو ٹی وی