کراچی: ماڈل کالونی لاسی پاڑا میں واقع کارخانے میں لگی خوفناک آگ پر قابو پالیا گیا
کراچی میں ماڈل کالونی کے علاقے لاسی پاڑا میں واقع کارخانے میں لگی خوفناک آگ پر قابو پالیا گیا، آتشزدگی کے بعد آسمان پر دھوئیں کے گہرے چھا گئے اور دھماکوں کی آوازیں آتی رہیں۔
ڈان نیوز کے مطابق اتوار کی شام ملیر کے گنجان آباد علاقے ماڈل کالونی میں واقع لاسی پاڑا کے کارخانے میں خوفناک آگ بھڑک اٹھی جس کے باعث دھوئیں کے گہرے سیاہ بادل دور سے دکھائی دیتے رہے۔
ریسکیو ذرائع کے مطابق آگ ایک گھرمیں سیلنڈر دھماکے سے لگی، جس نےفیکٹری کولپیٹ میں لےلیا، آگ کی اطلاع پر فائر بریگیڈ، پولیس اور رینجرز کی بھاری علاقے میں پہنچ گئی تھی۔
فائبر کی ٹنکی بنانے والے کارخانے میں آتشزدگی کے بعد اہل علاقہ کی بڑی تعداد موقع پر جمع ہوگئی تھی جسے پولیس اور رینجرز نے منتشر کردیا جبکہ فائربریگیڈ نے آگ پر قابو پالیا۔
لائیو ٹی وی