پشاور: موٹر سائیکل سوار دہشت گردوں کا پولیس چوکی پر دستی بم سے حملہ
خیبر پختونخوا کے صوبائی دارالحکومت پشاور میں پولیس چوکی پر 2 موٹر سائیکل سوار دہشت گردوں نے دستی بم سے حملہ کیا ہے۔
ڈان نیوز کی رپورٹ کے مطابق نامعلوم دہشت گردوں کی جانب سے دستی بم حملہ پولیس چوکی سیفن پر کیا گیا۔
پولیس نے بتایا کہ 2 موٹر سائیکل سواروں نے سیفن چوکی پر دستی بم پھینکا، حملے سے ایک شہری زخمی ہوا جب کہ تمام پولیس اہلکار محفوظ رہے۔
پولیس نے کہا کہ زخمی شہری کو طبی امداد کی فراہمی کے لیے ہسپتال م منتقل کردیا گیا جب کہ دہشت گردوں کی گرفتاری کے لیے کارروائی شروع کردی گئی۔
لائیو ٹی وی