پنجگور: 2 گروپوں میں تصادم، 2 بھائی جاں بحق، 3 افراد زخمی
بلوچستان کے ضلع پنجگور میں 2 گروپوں میں تصادم میں 2 بھائی جاں بحق اور دیگر 3 افراد زخمی ہوگئے۔
ڈان نیوز کی رپورٹ کے مطابق پنجگور کے علاقے چتکان غریب آباد میں دو گروپوں میں تصادم سے 2 بھائی جاں بحق اور 3 افراد زخمی ہوگئے۔
ریسکیو حکام کے مطابق لاشوں کو ضابطے کی کارروائی اور زخمیوں کو طبی امداد کی فراہمی کے لیے ٹیچنگ ہسپتال منتقل کردیا گیا۔
پولیس حکام کے مطابق تصادم کے دوران جاں بحق اور زخمی ہونے والے افراد آپس میں کزن ہیں، واقعے کی مزید تحقیقات کی جارہی ہیں، ملزمان کے خلاف سخت قانونی کارروائی کی جائے گی۔
لائیو ٹی وی