پنجاب پولیس کا میانوالی میں آپریشن، 10 خارجی دہشت گرد ہلاک
پنجاب پولیس نے ضلع میانوالی میں کامیاب آپریشن کے دوران 10 خارجی دہشت گردوں کو ہلاک کردیا۔
ڈان نیوز کی رپورٹ کے مطابق ترجمان پنجاب پولیس نے کہا کہ محکمے کو میانوالی کے علاقے ملا خیل میں خوارج دہشت گردوں کی موجودگی کی اطلاع موصول ہوئی جس کے بعد ڈسٹرکٹ پولیس افسر (ڈی پی او) میانوالی اختر فاروق کی قیادت میں پولیس اور ایلیٹ فورس کی بھاری نفری نے آپریشن کیا۔
ترجمان نے کہا کہ پولیس اور خوارجی دہشت گردوں کے درمیان فائرنگ کے تبادلے میں 10 خوارجی ہلاک کردیے گئے جبکہ پولیس اور ایلیٹ فورس کے تمام افسران اور جوان فائرنگ میں محفوظ رہے۔
ترجمان پنجاب پولیس کے مطابق انسپکٹر جنرل (آئی جی) پنجاب نے دہشت گردوں کے خلاف بڑی کامیابی پر ڈی پی او میانوالی اور ان کی ٹیم کو شاباش دی۔
اپنے ایک بیان میں آئی جی پنجاب نے کہا کہ پنجاب پولیس الرٹ ہے اور ہم دہشت گردوں کے ناپاک عزائم خاک میں ملا کر دم لیں گے۔
لائیو ٹی وی