کراچی: ہاکس بے پر نہاتے ہوئے ایک ہی خاندان کے 8 افراد ڈوب گئے، 6 کو بچالیا گیا
کراچی میں ہاکس بے پر نہاتے ہوئے ایک ہی خاندان کے 8 افراد ڈوب گئے، خاتون سمیت 2 افراد جاں بحق ہوگئے تاہم 6 کو بچالیا گیا۔
ڈان نیوز کے مطابق ہاکس بے پر سمندر میں نہاتے ہوئے ایک ہی خاندان کے 8 افراد ڈوب گئے جن میں سے خاتون سمیت دو جاں بحق ہوگئے، ریسکیو اہلکاروں نے 6 افراد کو بچالیا۔
ریسکیو ذرائع کے مطابق ہاکس بے پر ڈوبنے والا خاندان لیاقت آباد نمبر تین گجر نالہ کا رہائشی ہے، جاں بحق افراد کی شناخت 40 سالہ راشد اور 35 سالہ نورین کے نام سے ہوئی۔
دوسری جانب سی ویو پر بھی نہاتے ہوئے 18 سالہ نوجوان جان سے ہاتھ دھو بیٹھا، جاں بحق ہونے والے نوجوان کی شناخت 18 سالہ دانش کے نام سے ہوئی، ریسکیو رضاکاروں نے لاش کو نکال لیا۔
لائیو ٹی وی