کراچی: ملیر میمن گوٹھ میں 5 بچے مین ہول میں گرگئے، 2 جاں بحق، 3 زخمی
ملک کے سب سے بڑے شہر، سندھ کے دارالحکومت کراچی کے ضلع ملیر میں 5 بچے مین ہول میں گرگئے جن میں سے 2 بچے زندگی کی بازی ہار گئے۔
کراچی پولیس نے کہا کہ مین ہول میں 5 بچوں کے گرنے کا افسوسناک حادثہ ضلع ملیر کے علاقے میمن گوٹھ کے کھوسو محلے میں پیش آیا۔
پولیس نے بتایا کہ مین ہول میں گرنے سے 2 بچے جاں بحق ہوئے جب کہ 3 کو زخمی حالت میں نکال لیا گیا۔
پولیس نے کہا کہ تینوں بچوں کو بے ہوشی کی حالت میں ہسپتال منتقل کردیا گیا، جاں بحق بچوں کی شناخت 4 سالہ حسنین اور 10 سالہ طلحہ کے نام سے ہوئی۔
پولیس نے بتایا کہ زخمی 3 بچوں میں ثاقب اور پرویر شامل ہیں جب کہ ایک بچے کی شناخت نہیں ہو سکی ہے۔
لائیو ٹی وی