چکوال اور جامشورو میں کوئلے کی کانوں میں حادثات، 7مزدور جاں بحق
چکوال اور جامشورو میں کوئلے کی کانوں میں پیش آنے والے مختلف واقعات میں سات مزدور جان سے ہاتھ دھو بیھٹے۔
ڈان نیوز کے مطابق صوبہ پنجاب کے علاقے چکوال کے قریب چوآسیدن شاہ میں بارش کے دوران پانی کان میں داخل ہونے سے کان بیٹھ گئی تھی۔
کان بیٹھے کے نتیجے میں اس کے اندر موجود مزدور جاں بحق ہو گئے۔
ریسکیو ٹیموں نے کان میں دب جانے والے چار مزدوروں کی لاشیں نکال کر لواحقین کےحوالے کردی۔
وزیراعلیٰ پنجاب کی ہدایت پر وزیر معدنیات شیر علی گورچانی نے کان کا دورہ کرکے جاں بحق مزدوروں کے لواحقین کے لیے فی کس آٹھ، آٹھ لاکھ روپے امداد دینے کا اعلان کیا۔
دوسری جانب صوبہ سندھ میں جامشورو کے مقام پر لاکھڑا کول مائین میں کان کے اندر لفٹ کا رسہ ٹوٹ جانے سے کان میں تین مزدور دب کر جاں بحق ہوگئے۔
لائیو ٹی وی